Komiteti Ndërkombëtar Gjermani - Kosovë (Intercountry Committee – ICC) organizon një workshop ndërkombëtar për të rinj, i cili do të zhvillohet në datat 6 - 12 korrik 2026, pranë Universitetit të Prishtinës. Ky aktivitet synon të mbledhë deri në 30 pjesëmarrës të moshës 18–26 vjeç nga Ballkani, Gjermania dhe vende të tjera evropiane, në një javë intensive shkëmbimi idesh, bashkëpunimi dhe krijimi zgjidhjesh konkrete.

Tema qendrore e workshop-it është një nga sfidat më të mëdha të kohës sonë: ndotja mjedisore dhe mbetjet plastike, me fokus të veçantë në ndikimin e planifikimit urban (“Plastic Soup in the City – The Impact of Urban Planning on the Environment”). Programi përfshin ligjërata nga ekspertë ndërkombëtarë, punëtori interaktive, si dhe sesione bashkëpunuese për zhvillimin e ideve inovative në mbrojtje të mjedisit.

Përveç komponentit akademik, aktiviteti do të ofrojë edhe një dimension social dhe kulturor, duke përfshirë aktivitete sociale, përvojë të kuzhinës lokale, muzikë dhe ekskursione në Kosovë, duke krijuar kështu hapësira për ndërtimin e lidhjeve të qëndrueshme ndërkombëtare.

Pjesëmarrja në workshop është pa pagesë. Kandidatët e përzgjedhur duhet të mbulojnë vetëm shpenzimet e udhëtimit drejt Prishtinës, për të cilat mund të kërkohet mbështetje nga klubet lokale Rotary.

Studentët e interesuar ftohen të aplikojnë duke dërguar në adresën elektronike: [email protected] dokumentet e mëposhtme:

• Një CV të shkurtër
• Një letër motivimi

Afati i fundit për aplikim është data 20 maj 2026.

Ju inkurajojmë të shfrytëzoni këtë mundësi për të zgjeruar horizontet tuaja akademike dhe profesionale, për të ndërtuar rrjete ndërkombëtare dhe për të kontribuar në çështje me rëndësi globa