Bashkëpunimi në mes Universitetit të Prishtinës dhe Universitetit të Napolit Fedrico II
Profesori Fitim Humolli, njëherit Shef i Departamentit të Gjeografisë dhe koordinator i projektit, qëndroi
për dy javë në Universitetin Fredrico II të Napolit, njërin nga universitet më të vjetra dhe më me emër në
Evropë.
I themeluar 800 vite më parë, ai kurorëzon gjenerata suksesesh të cilat bëhen më të ndjera kur
Universiteti i Prishtinës i bashkohet nëpërmjet projekteve konkrete.
Profesor Humolli arriti marrëveshjen nëpërmjet projekteve ERASMUS+ në verën e këtij viti dhe tani
realizoi vizitën e parë studimore për të inauguruar kësisoj marrëveshjen e cila mundëson mobilitet për
studentët dhe stafin akademik. Përveç fushës së gjeografisë, projekti mundëson lëvizje edhe për
disiplina të afërta, si: sociologji, edukim etj.
E nisur me Shkollën për Turizëm “Politikat, praktikat dhe proceset e turizmit në zonën e Mesdheut: një
krahasim i metodologjive, teknikave dhe dimensioneve socio-territoriale”, kontributet e profesor
Humollit dhe kolegëve tjerë u dedikuan për studentët italianë dhe marokien. Këto studime u shoqëruan
me aktivitete në zonat kulturore dhe në shkëmbim të kulturave të dy komuniteteve (italiane dhe
marokiene).
Një bashkëpunim mes UP-së, Frederico II Napoli dhe Universitetit të Meknes (Departamenti i
Gjeografisë) – Marok, ishte një mundësi shtesë e shkëlqyer për qëndrimin dyjavor (08-19/12.2025).
Angazhimet tjera ishin të ndërlidhura me Osservatiorio Universitario sul turismo, si dhe me Fuori Luogo
– revista shkencore për territor dhe turizëm.
Kjo vizitë përbën një hap të rëndësishëm drejt ndërkombëtarizimit të Arsimit Lartë dhe rritjes së cilësisë
akademike përmes partneriteteve strategjike.
U urojmë suksese të mëtejshme studenteve dhe stafit akademik të të dy universiteteve në realizimin e
aktiviteteve të përbashkëta akademike dhe shkencore.